[الوآآفي]

أما لطمنا العيل والا الطم العيل
ما دام شب النار مندوب الاطفا

مـن ذاق حـر القايلـــهـ يعشـق الليـل
ومـن شـب ضـوهـ ليلــــة البـرد يـدفـا

امســـيت في جيلٍ ولاهوب ذا الجيل
و اصبحـت والا ديـرتي شـبـهـ منـفـا

واللـــي حمـا بيتـهـ بطيــرٍ ابـــابيـل
ماجيت ادور كـل مـن صـد واقفـــــا

ولا جيـت ابشحـذ يانمـا دلـــهـ وهيـل
جيتـكـ وجـرح الظـلـم غــاديهـ يشفـا

جيتــكـ بكلمـهـ كــنهـا صعــقـة الويـل
وان قـــلـت تكفــــا لاتهــاون بتكفــا

تــكفا تراها كلمــةٍ تقــطم الحيـــل
لا بـــالله الا تـــــنسف الحــيل نسفا

تكفا تـرا تكفـا لهـا هــــدرة الســيـل
فـــي صدر حرٍ ينــتف الطيـب نتـفا

تكـــفـا تـرا تكفـا لـها تِسرج الخيـل
ان كــان لكـ في مجمع الـخيل عسفا

تكفــا تـــراني من قرومٍ مشاكيل
حمـــــاية الــسـاقـهـ بـــسيفـٍ وشــلفـا

تكفــــا وتكفا ما تساق لمهابيل
تكفا تخلّي القرم لاشٍ وهطفــــا

تكفــــا تـــرى تكفـا تهـز الـرجاجيـل
لولا ظروف الوقــــت ماقلت تكفا