[الوآآفي]

لا تشتكي للناس لو كنت مطعون
والذم من بعض الخلايق مديحة

ولا تنحني للهم وتعيش مغبون
المستريح أهل العقول الصحيحة

لا صرت صادق قالوا الناس مجنون
ما يمدحون إلا النفوس القبيحة

وخلكـ صمود بوجهـ الأيام موزون
وما حرم الله إثم لا تستبيحة

والكبر لو بهـ فايدهـ فاد فرعون
ومن ذاع سرهـ بشّرهـ بالفضيحة

والله لو يعطون لك مال قارون
ما شفت نفسكـ بالغنى مستريحة

انفض هموم القلب وإبليس ملعون
وإن ضاق صدركـ أرض ربي فسيحة

إضحكـ وفل حجاجكـ اشفيكـ محزون
دنياكـ ما تسوى وخذها نصيحة

لو كانوا أصحابكـ يظاهون مليون
نق التقي منهم وخل النطيحة