اقتباس من مشاركة وضاح اليمن
فاقد غاليه; كل عام المنتـدى عيـد ومـن العايديـن=يـارجــال الـمـنـتـدى يــازحــول رجـالـهــا
كـل عـام انتـم مـن العايديـن الفايـزيـن=تـرتـفـع روس القبـيـلـه بـفـعـل عيـالـهـا
وانـتـم الوافـيـن والنايـفـيـن الشامـخـيـن=فـي فعـول اجدادكـم لا اعتـزى خيالـهـا
قالتـه بنـت المقوعـي وسيـد العارفـيـن=بـنـت وغنيـمـان ابـوهـا عـريـبـاً خـالـهـا
من سلائل عبس كل القبائل شاهدين=طـيـبـهـا وفـعـولـهـا وفـعـلـهـا وافـعـالـهـا
والـســلام خـتــام للطيـبـيـن الـواصـلـيـن=فــي رجــال المنـتـدى طـيـب الله فالـهـا
===========
مرحبا ياشمخ بيوت جت للغانمين=من صميم مصخرة قاف تصوغ اجلالها
ماتبين لين تاتي على العلم اليقين=وعرفت نوع الذهب جته ماجالها
من سلايل عبس تمشي على العلم الثمين=والمقوعي جدها طيب الله فالها
تمدح رجالاً بحمل القبيله قادرين=والحقائق تثبت اللي رفع منزالها
والله ان لى الشرف يوم اشوف الصادقين=والله ان لي الشرف يوم اخيل اخيالها
كل عام وانتم من الفايزين العايدين=وكل عام بـــنت المقوعي جمل الله حالها
رد شعر
#فاقد غاليه
مجارات اخو مزنه
مرحبا بنت الرجاجيل درع الخايفين= عن بنات الغير فازت بطيب امثالها
من سلالة شاعرن عاش في دنيا ودين= العلوم الطيبه في حياته نالها
الله انه يرحمه مع اموات المسلمين= في نهارن تسال الناس ويش اعمالها
ارسمت بنت المقوعي امام الناظرين= رسمتن ضوى الفضا نورها وشعالها
بمثل هاذي يارجال الوفا مانستهين= مانتوانا والمثايل يزين ارسالها
وبالختام اقول للي حضر والغايبين= سوو الدله وسوقو لها فنجالها
|
مجارات راعي الصور
مرحبا واسوقها سوق الرشا للممحلين...وارفع بيوتي سماء كرم الله فالها...
واخذ من الورد والعنبر ومن الياسمين...وانثره بدروبها في حالها ورحالها...
ي هلا بالطيبين الصادقين الصاملين...عد ماهب الهبوب بشرقها وشمالها...
واسرج بيوت بخيل رجالها متحيزمين...بالوفاء والطيب حي ابطالها ورجالها...
ومن المقوعي تنهض القيفان في خط اليمين ...ياخذ من الطيبه ويسوقها بدلالها...
بنت المقوعي حيها يامرحبا بالقادمين...ماتغيب الشمس لاوالله يضل ضلالها..
بنت من يسرج مهور الخيل ويعين العوين...يوم عجت بالخطر اسهامها ونبالها...
نسل من عد على الراس المبين...واحتزم يوم انتخى والماقفه هيا لها....
عيدكم مبروك ي اهل الوفاء واهل اليقين...عيدنا معكم بخير وتو هل اهلاها....
وي صلاتي ل النبي الهاشمي المستبين...عد ماهلت مزون وكاثر ن همالها.....