[عبدالله منور]

( وش يبقـــالي )

صوتك اللـي بقالـي مـن ليالينـا

عاد لو غاب صوتك ويش يبقالـي

صوتك الموج والمجـداف والمينـا

صوتك الناس لوني في خلا خالـي

صوتـك الذكريـات اللـي اتدفينـا

كل ماهـل شفـت العيـد يبدالـي

صوتك بعيد مثـل البعـد يطوينـا

صوتك اغليه ... صوتك يابعد حالي

من غروب الكلام لشـرق اسامينـا

ياحبيبه وصوتـك عنـدي الغالـي

سولفـي ... لعنبـو هـمٍ يبكينـا

انت اقصى مدى الهقوات والتالـي

مالهـا حـد شرهتنـا وامانيـنـا

والمسافات قشـرى مالهـا والـي

يقبـل الليـل لامـرفـأ ولاميـنـا

عاد لو غاب صوتك ويش يبقالـي

::

::