[رشيد]

وليد البشير الرشيدي


....


خاويت بالدنيا مطانيخ واشناب
واثنوا علي من الحكم هرج صايب
قالوا لي اللي من الرياجيل ماهاب
ماحدن من الرجال هذا بهايب
ومن لا حسب لاحضر ولا ليا غاب
اشوا له اليا صار بالدوم غايب
ومن لا كفى ملزوم ربعه ليا ناب
ولا على الاقل حث الركايب
هذاك لاتحسبه من ضمن الاصحاب
هذاك مع روس المناعير خايب
ومن لا تعلم من مشاريه الاجناب
ماهوب متعلم بشره القرايب
ومن لا تنومس بالمراجل وهو شاب
ماهوب متنومس ليا صار شايب
وولد الردي لو كتب عن طيبه كتاب
لاتامنه يصفق صفوق الهبايب
لان الردي يفتح على نفسه ابواب
ويعد نفسه مع هل الطيب طايب
وقالوا لي اذهن كل نمام لاجاب
هرجة ظهر لو انها بالغرايب
لانه ليا من جيت يضحك ونصاب
واليا مشيت يحط فيك المعايب
وقالوا لي اصبر بالشدايد والانشاب
واحمد وليك بالرخاء والمصايب
هذي وصايانا وهذي لك ازهاب
لن كنت للعليا تسج النجايب


=
القصيده منشوره في عدد اليوم من جريدة الرياض بتاريخ : السبت 21 رمضان 1435 هـ



رابط القصيده بالصحيفه :


http://www.alriyadh.com/953826




.

الموضوع الأصلي: خاويت بالدنيا مطانيخ واشناب | | الكاتب: رشيد | | المصدر: شبكة بني عبس