يذكرك بالخير يا ماضي ليالينا
كم ضاع من عندنا عقبك وكم ضعنا
انتي وانا واحدٍ والجرح ثانينا
والهم والخوف ثالثنا ورابعنا
والغايب اللي على جياته وْعينا
كان امس قدامنا واليوم يتبعنا
ان كان قصده على الفرقا يضرينا
حنا نشينا على الوصل وترعرعنا
مثل الجسد عضوٍ وْ عضوٍ تصافينا
من كان وده يفرقنا يقطعنا
تقسى ظروف الزمن والا تراعينا
والا علينا تجي والا تجي معنا
يبقى هوانا من اولنا لتالينا
اعز ما نملك و ذروة مطامعنا