عديت باللي نابين من سماره
معمردن مابالمراقيب طوله
عديتبه كني مدور اصقاره
والقلب من مابه تتله اتلوله
وهاج الضمير وبالمثايل مداره
وشط البحر يسبح بعرضه وطوله
وقلبي كما وادي درج بنحشاره
ومن المطر قامت تزايد سيوله
سيله يهل الطامنه والزباره
والمزن ركز واستهلن اثعوله
ويامسوي الفنجال كثر ابهاره
وخل العويدي يالسنافي كحوله
راعي الغنم والابل سوا عماره
ولاعاداتسمع دنة النجر حوله