عزّ الله أنّـي مانسيـت أفعالهـا بنـت الحــلال..
لعـل ربـي مايجازيهـا بسـو أفعالـهـا..
أكبر جريمه ترتكبها فالهوى مـن وسـع بــــال..
هـذي ضحاياهـا بقلبـي شيـدوا تمثالـــــهـا..
وشلون تهجرني وأنا مالي على الهجر إحتمــال..
وشلون تهملني وأنا مانيـب أطيـق إهمالــهـا..
وشلون تقطعني بسيف البعد قطّاع الوصـــال..
و أنا لو أقطع عرق قلبـي ماقطعـت وصالــهـا..
وشلـون ماتشتاق,,ماترحم,,ماتذكر,,ماتســال..
وشلـون ماتطلـق يديـنٍ كبلـت بأغلالــــهـا..