[عقيل الرشيدي]

اقتباس من مشاركة البرمكي ياويش عذراء شانها عندنا فوق= كلن يحاول ترتفع منزلتها مير البلا فيها من ايام فاروق= ناسن تقدرها وناس اسفهتها قامت تحول مير تحويلها عوق= خواتها عن ماتريد امنعتها على بنات الغيرملبوسها طوق=من اذهب هاذي مواري صفتها ماهي تباع وتنشري داخل السوق= بنتن شريفه والحساد انكبتها اعيالها اربع واكبر عيالها فوق= وثلاثتن جرد السنبن اذهبتها واحد نزح للغرب والثاني شروق= والثالث في مصر عاقبتها

ان كانها اللي ﻻلفينا لها تسوق=هذي سلومن للعرب مااتركتها
توضع على جال الجمر لينها تروق=وتبعد عن كدار اللهوب رقبتها
البن فيها ﻻيجي منك محروق=وان بات فيها غير الك اطعمتها
ووزن لفنجالك على الضيف برفوق=ﻻيمتلي فنجال يمنن قدمتها
ﻻزان فيها الكيف من شربها يفوق=تطرد عماس لروس دنيا اتعبتها
وان زاد ماها مالها طعم وذوق=تشره رجالن من يديك اشربتها
هذي حروفي والمعاني بها فروق=والحل واضح مانبي شقلبتها

ارجو تنسيق الابيات ههههه
ابشر تم التنسيق
على شان هالشطر,,تبعد عن كدار اللهوب ارقبتها