[المعزب]

اقتباس من مشاركة فازع الرشيدي لغز للتحدي والإثارةلعام **2013 _______________________________ جاك الخبر يا مستمع للتماثيل@ أبيات جزلة تعجب اللي قراها@ أنشدك والنشده تبى منك تحليل@ عن بنت كل النا س تخشى اذاها@ الله مسلطها على بعض الرياجيل@ كلن يحاول طردها ماقواها@ أكثر ماتبدأ بالشيوخ الحلاحيل@ ترسي عليها لين تظهر خفاها@ لاشافت اللي بينهم بارد الحيل@ تباشرتبه ثم حطت رحاها@ وقامت تشن جيوشها وتسرج الخيل @ ولاهو بسالم لين تكسب عشاها @ فالصبح تهجدهم أو تالي الليل@ ولاحد يميز سرعها من بطاها @ ماردها البارق ولاردها السيل @ ولاهمها لج الرعود بسماها @ ماتستمع لك لوترسل مراسيل @ صماء بكماء ماتميز لغاها @بنت عنيده عزمها حير الجيل @ الكل يكرها ولاحد يباها @ حتى الرسل تهابها والمشاكيل @ وشيوخ نجد اللي جويد بناها @ واللي بدار الصين واللي ورى النيل @ كلن يقول الله يبعد مداها @ اللغز واضح مايبي زود تفصيل @ ميز ودقق فالبيوت ومعناها @ والحل هاته مانبي منك تحليل @ تحسبله الشاره ترى من رماها ،،،، ؟ ؟ ______________________ أخوكم / متعب بن خصيوي العمري الحربي . { وادي الفرع } جوال / 0505325951 عليه جائزه ارسل له الجواب واسمك

والله يالربع ماني جيّد بحل الالغاز لكن هذي رمعة.

يابن خصيوي ياخوي المشاكيل=يامن طرح لغز البيوت وبداها
منظوم قافه مثل حد المصاقيل=شاعر يميز جودها من رداها
ثلاث يامتعب عن القول والقيل=الله علم صوابها من خطاها
الاول الحاجه وقلّ المحاصيل=همّ الرجال اللي طوالاً لحاها
والثاني النيه موازين للكيل=يبات فيها خيرها مع بلاها
والثالثه نفس الابنادم بهاذيل=ياماخذت عكف الشوارب وراها
دنياك فيها للأوادم محابيل=ويمكن تكون الحل للي بغاها
يامتعب خصيوي هل البن والهيل=جدي سمي ابوك عطني جزاها ههههه