السلام عليكم
حبيت انقل لك هالمحاوره لشاعر المبدع المتألق للقمة سعد المحيش مع الشاعر عبدالاله الميزاني
اترككم مع المحاوره
عبدالاله الميزاني
الليل ياهل الحفر ياكل من زاره
معروف بين العرب ما ضاع مقداره
والوقت دوار والايام دواره
والبيت ما يثبت الا فوق سيسانه
حظرنا وشفنا لطرب شوفت العين **** وأنا لي قسمي من خيار القسومي
وحنا مطير أهل المواقيف والدين **** ونحمى المواقف كل ليلة و يومي
سعد المحيش
من بعد جيت الحفر يا الصاحب الغالي
أبيك تهرج معي وتصيح وتلالي
لو انه بعض السوالف مالها والي
والبيت ما يثبت الا فوق سيسانه
شياطين ولكنة رجوم الشياطين **** ولا عندنا غير فرك الخشومي
وحنا سلايل عبس بالعسر واللين **** ومن نونا راح واهو مهزومي
عبدالاله الميزاني
مدام كلمتك بالموقف تكررها
الظاهر انك من الليله تدورها
روح لناس عليها الشور شاورها
والبيت ما يثبت الا فوق سيسانه
وحنا عليكم بالمواقف سلاطين **** ولو ألمسك يمكن تطيح وتقومي
بني عبس يا راعي السوالف ونعمين *** لكن توقع لا تجيك السهومي
سعد المحيش
ويش انت يوم انت تزمر يالله الخيره
الظاهر انك مكثر ببسي وبيره
هذا الولد راح يلا دورو غيره
والبيت ما يثبت الا فوق سيسانه
وحنا أهل الكفه صقور وشياهين **** لكن انت روح وانت ضيف مخدومي
ولا يا حمامه حلقي بالجناحين **** ابرحمك يا عميلي والله رحومي
عبدالاله الميزاني
الببسي طبعك ولاهو يا سعد طبعي
اذكر اهل الطرف والصمد والنقعي
واذكر قدوم العرب والخرق والرقعي
والبيت ما يثبت الا فوق سيسانه
وحنا تعرف انه صعوط المجانين **** ولا عمرنا رحنا مع الرخومي
وجد الدعوه واهلها مقيمين **** وخذها علوم ما مثلها علومي
سعد المحيش
حنا أهل الطيب واهل العز والهيبة
ولا انت وش حظرتك يا تمرة العيبة
هذا المطيري لعله ينقطع طيبيه
والبيت ما يثبت الا فوق سيسانه
مدام انه هرجك مثل هرج الوراعين **** ابا احط راسه فيك وقضي لزومي