على ذكره غشتني عبرةٍ غير العباير لين:
تمثنيت الطريق اللي يعرّج صوب منزاله
وصلت هناك وعيوني تفيض وسوّلت لي شين
ولولا خوف ربي وانتقام الله وزلزاله:
لاسوّي شي لا يمكن ولا يُعقل ولا له دين
ولا يخطر على بال الفطين ولا بْيطرا له
بغيت ولا بغيت وتهت انا ما بين دِين وطين
بغيت بقبره احفر وابْعد التربان واشتاله
واحطّه فوق ضلعيني واردّه تحت رمش العين
واسكّنْه الخفوق اللي بدونه حالته حالة