[فيصل الرشيدي]

[POEM="font="Simplified Arabic,4,darkblue,bold,italic" bkcolor="transparent" bkimage="./images/backgrounds/29.gif" border="double,6,gray" type=0 line=0 align=center use=ex num="0,black""]تصيح تقول يا(حرمه)،تحسب إنك تعايرنـي!!=
شنبك اللي تفاخربه..ترى اللي جابته حرمـه

تصدق كذبتك دايم ،، مبـادئ حيـل تقهرنـي=
(نقص عقلك مع دينك)،،ترى مليت هالكلمـه

ياجاهل فتح عيونك..ياويلك لـو تصاغرنـي =
غضب،،تهديد،،وإستلمّه..وسمّه اللي تبي سمّه

أنا مليت من ظلمك يا(آدم) وش تصورنـي!!=
أذا إني ناقصه بعينك،،وداعي منتهي الحكمـه

تراني ساكته بكيفـي ،، نصيحـه لاتفجرنـي=
غضب شيطان ماميز ،،مابين الخال والعمـه

عيوبي طيبتي وقلبي..حنان وشوق يجبرنـي=
علي عكـس تجي قاسي وكلن راضي بسلمـه

حسافه وقتي الفايت،،تذكّـر يـوم تِسهِرنـي=
علي قولة انا عاشق وحبك صابنـي سهمّـه

تذكّر يوم لي تركض ،، تقول يازيـن آمرنـي=
علي سنة رسول الله أشيـل الحمـل وآزمّـه

فرحت وقلت هذا اللي أبي في ظلّـه يسترنـي=
اذا ضاقت بي الدنيا،، مسـح دمعاتـي بكمـه

ابي انسى به الدنيا وابـي بالحـب يشعرنـي=
ابيه يكون لي فرحـه اذا زاد الزمـن همـه

لكن للاسف غلطـه وهـم كـذاب ساورنـي=
جزاتي والثمن عمري..وقتلت بخافقي حلمه[/POEM]

الموضوع الأصلي: خاص للبنات | | الكاتب: فيصل الرشيدي | | المصدر: شبكة بني عبس