الروح توله .. والأحاسيس توله
والحب لعنة صاحبت كل الأجيال
قومي العبي عيشي حياة الطفولة
عيشي حياتك والعبي مثل الأطفال
بدري على هم العقل يا مهبولة
العقل في سنك يسمونه هبال
بدري على هم السنين العجولة
بدري على حملٍ تجي فوقه أحمال
عيشي جنون السن عرضه بطوله
هموم الليالي يا بعد همي طوال
أبيك طفلة بابتسامة خجولة
وأبيك حلمٍ كنت أعيشه ولازال
وأبيك علمٍ وأفتخر يوم أقوله
وأبيك صيحة .. لحظة النصر تنقال
وأبيك شعرٍ لا سمعوه شهدوله
وابي المعاني في بحر شعرك ثقال
وأبيك بيتٍ كلهم صفقوله
خوضي بحور الشعر في كل الأشكال
وخوذي على مشاعر القلب جوله
وتبختري ما دامك بحضرة رجال
لكن تعالي .. واسمعي يا مهبولة
مثلي .. فلا حبك بها الكون رجّال