[quote=رويشد;2941629]
يالعمده القاضي عليك السلامي = تحيه المسلم ليا حان دوره
واللي بعدها علم فص العظامي = خلا عطيب الرأي يحسب أموره
العام قلت الختم ملكي نظامي = وقلنا هدى رايك ولافيه ثوره
واليوم دون الخشف تبغى تحامي = الا معصى رايك وشور ٍ تشوره
حتى الهوى يا ناس حطه حرامي = والغصن طيّر ما بقى من طيوره
وأنا عشقت الريم وأعلن غرامي = وأحرق بها كل القلوب الغيوره
على الشرف ما هو بعشق الظلامي = وأن كان ماهي بالنصيب معذره
استلم سلمك الله
بسم الله الواحد رفيع المقامي= محيي عظامن سامده في قبوره
ارجيه يغفر زلتي ولاثامي= والله ينورنا بعطفه ونوره
من بعدها نبغا نجار الكرامي= لحيث رد القيل مابه ضروره
رويشد سجع بالغي سجع الحمامي= على الهواء والغي فاحت قدوره
والعشق ولا قبل خمسين عامي= يوم البدو يرعا دبشهم زهوره
عشق الشرف مافيه غير الكلامي= ولاندخل بشين يجرح شعوره
وانا ماني قاضي واعرف الكلامي= نعرف رويشد والعلوم معسوره
يمكن ينام وموته بالمنامي = قبل يزاونا نجيه ونزوره
والخاتمه هي ملح كلا الختا مي = الله يكافينا بلاوي شروره