موقف شدني اليوم على قناة نايلات
وقريحتي فاضت
لكن صعب اكون كامل بالشعر
لكن كتبت بويتات بسيطه
يادولتي ماعاد فيها جمايل
شبنا وشيبنا من اللي نشوفه
واللي حصل في ديرة العز حايل
شي عجيب وصعب والله وصوفه
ولا الدفاع اليوم ماهو بطايل
صعب عليه قصار والله كفوفه
بعد الله الفزعه بعيال القبايل
تجمعوا شجعان حايل صفوفه
صف ورا صف ثقال الحمايل
وكلن يبي يفزع ويسند كتوفه
شالوهم وكل البشر فيهم تخايل
كتيبة الشجعان صفت ردوفه
صارو سلاح ودرع والكل شايل
وسط الشعيب مخاطرين بلاحسوفه
احرار حايل تناخو عيال الحمايل
حايل تجيب ابطال محدن يطوفه
أمثال الرشيدي عريب السلايل
اللي حذف نفسه بسيل ومهوفه
في وقته الفزعات ماله بدايل
وقت عصيب وصعب مقسى ضروفه
خاطر بنفسه وانقذه ذرب الفعايل
واصبح فخر ربعه وجمل ضيوفه
وبالطيب ميزانه بالطناخات مايل
وترجح كفوف العز مابه مروفه
واصبح لقب ينقال له سيف حايل
واليوم حايل تفتخر كثرت سيوفه
قصيدة
نمر سالم الشمري