.,.
ما تصورت الفراق - وما تخيلت العذاب
وما توقعت إن بعدك عني أكبر مشكله
الحياة بدون قربك / تغرس بقلبي حراب
أذنب بنفسي و ذنبي... بالدعاء احلله
يحتويني دمع عيني -كل ما يطري الغياب
ويحتريني هاجسي بالليل.. يسأل أسئله؟
يا سبات الليل وينك؟ يوم أنا جروحي سكاب
حاير و غارت عيوني ! حلم.. ولا وداني له
ما هَنا لجفني منام/ومنه شعر الراس شاب
وما هَنا لعيني يقاظ / بكل دار اتخيله
كل ظروف الوقت حالت - بيننا حاجز وباب
وبين نبض قلوبنا..! طفل المحبه نحمله
ليتني أطوي المسافة.. ثُم تُخيل لي سراب
والله أقضي كل عمري ...أرتحل وأحل له
البعاد إن كان قصده! نحتسب لجل الحساب
قله إني محتسب ... قلبي بخوفي غاسله
لأني إذا حبيت شخصٍ -أعشقه لو هو تراب
ما أدور فيه دنيا وحــــــــــــــــــــــــــــ ـدها وهي زايله
ليتها تشوف المعاني /مثل ما تقرأ الكتاب
وليتكم تدرون عني.. عن عجاج المعضله
ريح وأشواك وغبار وحر.. يا طير الغراب
تايه وكني بمتاهه مخرجي كيف اوصله
لا هِنَا و أظن كافي..؟ خافقي من جد ذاب
ما تتعبني القوافي ...الألم" ما أتحمله
وأدري بتقرأ قصيدي وأنه يزيدك عذاب
لكن أسمح لي ترى / هالأرض حولي موحله
العواطف ما توقف كنها لروحي شراب
وأنت عارف أني أكتب /كل شعور وأجزله
و أنت غير/ وأنا غير/ وحبنا كافر ما تاب
يا الله أنته عالــــــــم أنه يكِن لي واكِـــــــــن له
الصبر يا هول صبري بالتقى صاير شهاب
يحرق العدوان يقصف كل شر ويشعله
طمنيني.. وأمسحي دمعك.. عسى جرحي ثواب
وأدفنيني.. في ثرى صدرك ..أيا متحلله
في شراييني.. وسط دمي.. ألا يا أجمل سحاب
بالسماء شفتك أمامي.. صوره ومتشكله
يكفي أشيلك متاعي للسفر عند الذهاب
ويكفي أني لا طريت أسمك أحل المشكله
الحياة بدون قربك / تغرس بقلبي حراب
أذنب بنفسي و ذنبي... بالدعاء احلله