10-04-2013, 09:49 PM
|
|
الله وكيلك يوم بالهرج تبدين
تشرب حروف الشوق سكر نباتك
واذا سكتي لالغه لادواوين
تموت حزن وتشتكي من سكاتك
شفتك وهزيتي خفوق(ن) من سنين
ثابت على حله وهزة ثباتك
حبك يابنت الناس لف الشرايين
وطبع عليها اسمك وباقي صفاتك
حتى كبر حبك وصرتي تحكمين
مشاعر(ن) طلبها غيرك وجاتك
يعني هزمتي ناس ماهم بسيطين
ياكبر حظك من يسوي سواتك
يكفيك مني يامنى الروح ثنتين
اني تركت الناس واخترت ذاتك
وانك ليا غبتي عن لعين يومين
اعيش حزني كني اسمع وفاتك
والله لو اشرح لك الوضع هالحين
والا بقلبي تعرفي وش غلاتك
انك بعد حبي وشوقي تتوبين
عن الهوا والعشق دبة حياتك
|