الا ياليلتي وشلون انا اقدر اجبرك وانام
وانا وشلون اغمض عين سهرانه ومهمومه
انا بالله كيف اصبر واسامر نجمة الاحلام
وانا اطالع بقايا من هداياه ومن هدومه
اشوف العطر واوراقه ومشطه مع ثلاث اقلام
واقول اللي عطانيها يارب تطول بيومه
حبيب(ن) هزني عشقه وصارت خطوت الاقدام
تحادا عن دروب الغير وتروح اله ملزومه
خطفني من زماني بالغلا واحلوت الايام
طرحني وسط قلب ابيض ولا فكرت بالقومه
يقول افديك بعيوني ويطلق خامد الالغام
يثورها كلام الصدق بشفاته وبعلومه
عرفت بقربه الفرحه نسيت الحزن والاوهام
تأكدت ان قبله ماعرفت الحب وسلومه
اشوفه ساكن بعيني لا والله في خفوقي هام
لا والله اكثر واكثر ربيع القلب وغيومه
احبه زود وابصمله انا ياناس بالابهام
واقدم له ضمانات الوفا بالصدق مختومه
واردد كل ليله وارفع كفوفي وانا منلام
الا يالله تصبر روح بعده حيل مظلومه