عدنا على الماضي متاهات واحزان
عدنا لوجدان السنين القديمه
رواسب(ن) تشغل تفاكير الانسان
لو مالها في حاضر الوقت قيمه
حقايق(ن) حين اصبحت ماضين كان
بدت تحركها الهموم الاليمه
يسرح بنا الهاجس على ذيك الازمان
ارثٍ(ن) تخلده الجروح الجسيمه
احيان ياخذنا الامل لكن احيان
يصدنا الواقع بلحظه عظيمه
ليت الامل ما فارق اهداب الاعيان
ولا توارى بالليالي العتيمه
في وضع صعب(ن) ما تحدده الالوان
محتاج دعم اهل القلوب الرحيمه
لولا الفواد اللي رسخ فيه الايمان
وازداد بالتقوى بصبر وعزيمه
مارجحت قدمنا ميل الاوزان
واضحت موازين الزمن مستقيمه
لله در اللي بقى شامخ الشان
ما هزته حزن السنين العديمه