قالوا ان الحـب سكـه مـا يسايرهـا الخنـوع
قلت موت الحب والله لا انكسـر فيـه الشـراع
قالوا ان الحـب موتـه لا غـدا خلـك خـدوع
قلت موتي صاحبي ما يعـرف دروب الخـداع
صاحب ٍ وافي شقاوي فـازع ٍ صـادق جـزوع
جامع ٍ زين الوصايـف محتـوي كـل الطبـاع
دوم يتعب في غرامي ساطـع ٍ فينـي سطـوع
وان أمرته قال أمرك يـا بعـد عمـري مطـاع
كنت أحبك يالثلوث وكنـت أجوعـك يالربـوع
يـوم كانـت فـي ثناياكـم مراسيـم اجتـمـاع
كنت أشوفك بالمحبه كـل صنـف وكـل نـوع
كنت أعيشك بين صدري والكتـف ويّـا الـذراع
كنت أصل الحب .. جذره .. والزهر ويّا الفروع
كنت جلسـة اقتـراع وفـزت باعلـى اقتـراع
كنت لي في ظلمة الليل الكئيب أجمـل شمـوع
تحترق من شان أشوف الظي واحيـاك استمـاع
يا حبيبـي والأمـل فينـي يبـي منّـك رجـوع
شوف همي في ضلوعي أصبح الأمـر المشـاع
إرجع إرجع ودي القا تحـت رمشينـك هجـوع
إرجع إرجع ودي أنهي مـع تجافيـك الصـراع
إرجع إرجع وانظر بصـدري تلاقيلـك جمـوع
هي سوالف .. هي مشاعر .. هي عتابات ونزاع
يا حبيبي والغياب اللـي سكـن بيـن الضلـوع
يعلم الله مـا عـرف غيـر ابتهـالات الضيـاع