ياصاحبي رآسي من آلفكر مندآش
قآمت عوآصيف الطوآري تسوقه
أحآول أبعد عن عنآ آلفكر وأ نحآش
أطرد سرآبٍ مآحصل لي لحوقه
ولآشفت في دنيآي مآيبرد الجآش
تعبت من وقت ٍتوسع أفتوقه
آلله من صبر ٍصبرته على مآش
ولآ كل من يصبر يحصل حقوقه
آليوم صآر آلبوم سعره ورى الكآش
وآلحر الأشقر خرب آلوقت سوقه
حتى الثعآلب قآمت آليوم تهتآش
و آلذيب جنبه والعشآ مآ يذوقه
هذآ زمآن(ن) فيه الأنذآل تعتآش
وأخس خلق آلله يلحس شدوقه
هذآ زمآن آلخبل وآلهيس واللآش
وإلا آلكفو صآر آل��من ذآ يسوقه
ويآطول صبري بين حآقد وغشآش
نآس ٍعلى عرض آلمقفي شفوقه
أنت آلخوي آللي على آلهيب رشآش
نعم الرفيق إلي تنومس طروقه
لو ينفرش قلبي لك آلقلب مفرآش
تجلس بوسطه وآلخدم لك عروقه