عفيت يمينك الرشيدي كحيلان
خذيت حقك بالوفاء والكمالي
قصيت رأس الخصم بالسيف شامان
والموت ذاقه(مر) من بعد حالي
واللي يلومك يابيض الوجه غلطان
غلطان من لامك خبيث المجالي
انا شهد انك صرت للطيب عنوان
من طيب ساسك ياكريم السبالي
رفضت تتنازل ولك بالفخر شان
خذيت ثأرك رافضن كل مالي
والشرع حق ونور والحق برهان
موضحه بالشرع رب الجلالي
والكذب والتزوير والظلم بهتان
لعل من يسعى بهن للزوالي
كثر المهايط ياهل العرف نقصان
وسب القبائل نقص في كل حالي
والمملكه تحكم وللعدل ميزان
على الشريعه حكمها والعدالي
وبني رشيد وشمر اصحاب وأخوان
يربطهم الإسلام والعز عالي
وصلاة ربي مسك عنبر وريحان
على الرسول محمد أول وتالي
الشاعر/مقعد العنزي