عرض مشاركة مفردة
  رقم المشاركة : [ 1  ]
قديم 28-11-2012, 11:17 PM
خليف الوهيداني
ابن خزيم
الصورة الشخصية لـ خليف الوهيداني
رقم العضوية : 387
تاريخ التسجيل : 6 / 10 / 2006
عدد المشاركات : 304
قوة السمعة : 19

خليف الوهيداني بدأ يبرز
غير متواجد
 
الافتراضي يافصيل المري لاشفت التواعيس

يافصيل المري لاشفت التواعيس=ونفسك عسا المولى يحقق مناها
يابن الرجال اهل الكرم والنواميس=اللي بعيدن بالمراجل مداها
ستر الدخيل اللي طلب حق فريس=اللي خطيرن بالمعارك لقاها
لاوصلهم ماداج نفسه هواجيس=وعينه غفت وأخطار نفسه نساها
وعداه عادوا من وصوله مفاليس=مخيبن من دون وصله رجاها
هوجست فيه يابعيد المراميس=ونفسي من الدنيا كثيرن غثاها
بابيوت شعرن حركن الاحاسيس=الله محلاها و محلا غناها
جريتها في وقت ضيق ووساويس=في حاجت(ن) صعبن عليه قضاها
اصد فيها عن و جيه الهلابيس=اللي بكشف السر ربي بلاها
اللي لكشف السر دايم عواسيس=نقالت االعثرات للي بغاها
لو مبتداي العمر من دون تاسيس=وهذا فعل نفسي و هذا خطاها
غلطه وفيها خذت عبره وتدريس=وميزت في طيب الرجال ورداها
وجلست من دنياي باقشر مجاليس=مجالس(ن)بالشين مكثر حكاها
فيها اتحرى العايله والملاميس=ومعوشتي نفسي عليها تحداها
وخاويت من حطوا عليه جواسيس=ناس(ن)تدور من ورايه عشاها
وامشي ظلام الليل نوري فوانيس=ونفسي جبر تمشي باليا رضاها
ومرت تقول حلوم ليل و كوابيس=و شفنا بدايتها وباقي خفاها
فيها الفتن مالها حدود ومقاييس=وقامت على الحكام تطحن رحاها
وناس(ن)تدق اطبول ويغني ابليس=وله بلغنى مطامع(ن)من وراها
ولاخير في وقت(ن)رفع قيمة التيس=في قيمته ساوى الابل في شراها
ولادامت الدنيا و لاعرش بلقيس=ولادامت لحكمن رفع مستواها
الموت مالاذت عنه بالمداسيس=وعرش الحكم من جيته ماحماها
وارض(ن)هواها يسنافي نسانيس=وريح الخزام والنفل مع هواها
ارض(ن)ربيع(ن)برها مابعد ديس=والسيل مرون من مطرها ثراها
تسوى وطن باريس ومثال باريس=وشوف الشعوب اللي قليل(ن)حياها

الموضوع الأصلي: يافصيل المري لاشفت التواعيس | | الكاتب: خليف الوهيداني | | المصدر: شبكة بني عبس




توقيع خليف الوهيداني
الله يبيض وجه قل لي ودينـي=خلاني اعرف كل رجل ومقامـه
وخلاني صفق في شمالي يميني=وذوق من نخوى العفون الندامه
وقت الرخى يامكثـر الطيبنـي=كل(ن)ربط فوق المراجل حزامه
بس الرجل وقت الشدايد يبيني=ولو لا كذا ماصار طيب ورخامه