أترامى لأجلك انتي أترامى
يا نجوم الليل ضيّك
عن مدى شوفي تسامى
و طار لك قلبي يمامه
طار فوق الخدّ شامه
شاف له برقٍ يلوح
في سحاب عيونك انتي
في ليالي عيونك انتي
في سواد عيونك انتي
طرت لأجمل ابتسامه
لين قلتي وين جنحانك ..؟
وين جنحاني!! و طحت
طحت من أعلى غمامة
وين تاخذني الخطاوي ..!
وين أروح ..!
كيف أبا أوصل للتداوي من الجروح ..!
و ما أبي غير السلامة
و للهوى الصادق علامة
نظرة الشوق الفضوح
شفتها في عيونك انتي
و كلها في عيونك انتي
و لسواد عيونك انتي
طرت لأجمل ابتسامة
لين قلتي وين جنحانك ..؟
وين جنحاني !! و طحت
طحت من أعلى غمامة
أشعلت ها الكون بسمه
و أحرقتني غصون شيح
كانت أمطارٍ و ظلمه ..
و أذكر إني كنت أطيح
شارقٍ بالدمع .. بالما ..
ماسكٍ في كفوفي ريح
و هذا آخر ما اتذكّر
وين ظنّك با اتكسّر ؟
تحتي جبال و سفوح
و كلها في عيونك انتي
ليه قلتي وين جنحانك ..؟
وين جنحاني !! و طحت
طحت من أعلى غمامة
الامير بدر بن عبدالمحسن