16-11-2012, 08:32 PM
|
|
واعْلم الكيف لاسوّيت فنجالي
اضلوع صدري على طاريه منفجّه
واعلْم الليل لاغنّيت موالي
بإن الهواجيس وسط الخافق اتخجّه
واعلْم الغيَم مايحْصل ويجَرالي
احلام عمري سحايبها غدْت عجّه
مابين حلمٍ قديم وحلمي التالي
ماعاد ياحلمي الوردي بقا حجّه
ضاقت مساحات دربي والآمل طالي
يارب صدري من هموم الزمن نَجّه
نّور ضميري بذكرك وانت ملجا لي
ذكرك هْدوّي ليا حسيت بالضجّه
وعطني على نيتي في وجه عذالي
اللي على غيبتي تلقا لهم لجّه
ماهو بهمي وانا ماشي على فالي
مقصودي الطيب لو سجّيت لي سجّه
|