يا قلـب لا تشـره علـى كـل رجـــال = إلا علـى رجـال وامـرك يهمّــــه
حمل الجمل ماله من الزّمـل حمــال = إلا يكـون اخـوه وإلا ابـن عمّــه
ولا كل ما خيّـل علــى دارك اخيـال = تسقي ثراها المزنه المـدلهمّـــه
ولا كل فنجال(ن) من الكيف فنجال = ولا كل عد(ن) يروي الورد جمّه
ولا ينمدح من لافعل زيــن الافعـــال = لويمـدحـه رجال غيـره يذمّـــه
ولا كل غصـنٍ يتقي الشمس مقيال = غصنا ظليل وغصن ماشئت سمّه
ولا كل رجال(ن) على الوعد بتــال = يمكـن يتم الوعـــد او مـا يتمّـــه
ولا كل مرسالٍ الى ارسلت مرسـال = لا ترسـل إلا من يســد المهمـــه
والعـدل لـه ميزان والكيل مكيـــال = والعلـم نور وغيهب الجهل غمّــه
أن نية المسيار جت لي على البـال = ماكل رجـال(ن) تعنيــت يمّـــه
قلبي يقود الرجل في كل مدهـــال = والـى نوا المدهال رجلي تخمـــــه