[شاعر الصعاليك]

شبي لنا النار يا اميره = وسولي لنا كيف بغدادي
في خاطري حلم تعبيره = اتعب تفاكيري وافوادي
لو كان لاهل الهوى سيره = ان كان تلقين نشادي
لكن ترى الحال في حيره = خلى العرب وضعها عادي
حطوا بدال العسل شيره = سكر ومن فوق وقادي
والنحل ما يعرف الديره = يطير من وادي لوادي
كل ٍ يسمي شكسبيره = باسمى تقاليد الاجدادي
ويا خالق ٍ مالنا غيره = ادعيك تحفظ لي ابلادي
اعداد ما طار من طيره = من كل خاين وحسادي