الاقتباس غير متاح حاليا
سرج القصايد طاح من يرفع السرج
يعني الخيول الا وله وين اهلها
وقصر عن التعليق والضحك والهرج
عن الثلا ث ابعد ودوربدلها
صدر الشمالي من حقل الاخر الخرج
يبعد عن نفوس الردى ماوصلها
وان ساقتك دنياك ويامك العرج
نوخ وسايمها وطرد هملها
وحكم ضميرك واحذر ابليس لارج
وارق المعاسرها وتعرف سهلها
قصدي نوايا والحنايا لهن درج
والنفس تلقى ذنبها من عملها
وسقها على برجين ولاعلى برج
واكسب ذهب دنياك واترك هللها
وكان المطيه لا شكيمه ولاخرج
تلقى الردى يابمها يابفحلها
بين الحلال وبين نياتك الحرج
مثلك يخلط ارباحها مع فشلها
مير اعتكف واخضع للرب البشر وارج
ان الربيع ابديرتك عن محلها
وكان المطيه لاشكيمه ولاخرج
تلقى الردى يابمها يابفحلها
عقب الرمك والسرج والطيب والعيس
وعقب الليال اللي عليها الحسايف
وعقب الذيابه والحرار الغرانيس
ولا زمانك يا لسيوف الراهايف
لا تقول ماهو صدق ولاوساويس
هاك الد لليل ولا تزيد الكلا ليف
هذاء زمان الطهبله والمراويس
هذاء زمان امبوسين الشفايف
اقيس انا الدنياء ومن مرها اقيس
مثل القدر والروح ماهن ولايف
ويامكم ويام عمري عواسيس
عسى عواضنا بالسنين الطرايف
ودام اكثر الحين فيها دنافيس
صارت على حمول بقعاء خفايف
وان لامني من حب درب النواميس
تطري عليه قبور قومن حلايف
ويحطها بالكيس ويحمل الكيس
وان دربوها درهموها ردايف
بين الهضاب الشمخات المقاويس
يلقى مبيته بالجبال النوايف
جنة حياة وعاقبتها مقابيس
تقسم تجمعها نصايف نصايف
سود المنيا والسنين المعابيس
اكره ولاكرها ولوكنت عايف
ودارت رحاها الديار المراميس
وانا على ماقيل محر ج وخايف
لكن على الله عن هوى النفس وابليس
اليا جرف هاجوس نفسي جرايف
وبكره نزول ولاتدوم المجاليس
ولمعتبر من جور الايام شايف