09-09-2012, 09:29 AM
|
|
لاتقول باجرح ثم باكسب بطوله
لاتظن قلبي راضي ٍ بالهزيمه
أنا الرجل وانا كسبت الرجوله
أعتز من أوقف بروس العليمه
عشقت كل اللي يضد السهوله
لان الصعايب في عيوني سليمه
أوقف وغيري ماتشله رجوله
واحمل جروحك لو جروحك أليمه
يا اللي فرشت الحب عرضه وطوله
تصد .. وصداتك تجيني حشيمه
توهتني بين الوعي أو خموله
وضعتني بين الشقا والظليمه
شبهتني بين الكبر والطفوله
وبينت لي قربك وبعدك جريمه
سكنتني في قلب والشوق حوله
صدقت فيني غيبتي والنميمه
عطني مع الاشواق صوله وجوله
عيش الوله والود من فوق غيمه
في قربك الساعه تمر بعجوله .
كنها تجدد لي جروح ٍ قديمه
العين ما تنظر اذا هي خجوله
والناس تحذر من دروب ٍ عتيمه
جيت بصعوبه .. لاتروح بسهوله
ترى الخفوق اللي هجر دون قيمه
|