[بروفسور الشعر]

يا عين عمدان السهر قامت ولا حولك منـام
الهـم جانـي مبتـداه ورحمـة الله شامـلـه

..


تلعب بي الدنيا وأنا كنت أحسـب الحـظ قـام
الله يعوض خير فـي جهـد اليديـن العاملـه

..

مثل العقيم اللـي رزقـه الله فأحلامـه غـلام
من فرحته مـا فارقـة راس الغـلام أناملـه

..

ما تمت الفرحه وراحة روحـه بسـن الفطـام
الله عطا والله خـذا فرحـه ولا هـي كاملـه

..

عيا يزيـن الحـال حتـى فالتمنـي والكـلام
الصبـح مقتـول التوهـم والليـال أرامـلـه

..

شرع الدهر يومين زيـن وشيـن لله الـدوام
عدا الليالي مقبلـه مـدري وشنهـي حاملـه

..

والحظ ما يسمع ولا ينطـق ولا عنـده نظـام
أظن لو يعرف عـن راعيـه فـز وقـام لـه

..

ما فات مات وببتدي ما دام لي شـف ومرام
دام الأمل موجـود فقلـوب الوجيـه الآملـه

..

اللي زرع يحصد وأنا بالنور واجهـة الظـلام
واللي يكـرر غلطتـه بانـت عليـه الخاملــه

..

يا صاح أنا سقت القدم صوبك ولا فيها كـلام
خل النظر حول النظر تلقى علومـي صاملـه

..

الذيب ما هرول عبث والطـق فالميـت حـرام
الذيب تكفيـه الإشـاره لا بغيـت تعامـلـه

..

أنا ما أسج الرجل للي يرتخي وقـت الزحـام
أسجهـا للـي علومهـا طيـبـه وأزامـلـه

..

لا من صحبنا ما صحبنـا إلا رفيعيـن المقـام
الكير نحرب نافخه والمسـك نصحـب حاملـه

..

اللي ما يعنيني ما يعنيني ولا أعطيـه إهتمـام
واخيك من بعد التعب عبـر إبتسامـه جاملـه