أصبحت احبك واصبح الملك لله
واعاهدك لابقى على طول احبك
يافال خير /الفال وجهك محيّاه
واللي جعل في وجهك الفال ربك
هو من جعل حسنك فريده مزاياه
وانا فدا مظهرك وفدا للبك
واللي جعل جرح الهوى يصعب ادواه
الا على وصفة جمالك وطبك
باسمك نغم من حرف (نونه الى هاه)
حتى وانا في لذة النوم أنبّك
ياعشقي اللي مستحيل أقدر انساه
ياضوي اللي لاقسى البرد أشبّك
يالسلسبيل اللي عجزت أقدر ارواه
يالعذب من منبعك حتى مصبّك
ياسلوتي لازادة بقلبي الآه
شفني غرقت بقاع بحرك وجبّك
ياكيفي اللي بالعروق آتقهواه
وعروق جسمي وسط قلبي تصبك
قلبي معك ماباقي الا حناياه
شف كيف تسرقني /واحبك/مااسبّك
إن كان حبك موت فالموت انا ابغاه
وان كان حبك ريح أنا في مهبّك
أمسيت ميت فيك والدايم الله
وان متّ وان مامتّ مامات حبك
عبداللطيف العوفي