[أخـو جـزعـة]

[QUOTE=شاعر الصعاليك;2802734]

جيتك يا أخو جزعا وأنا لي مطلوب = عندك وعندك يالمشورب لزومي
ودي بطير ٍ حر ما هوب مجلوب = ابيض نحر والريش صفت قرومي
عينه يا اخو جزعا كما عين رعبوب = وضربة مخاليبه تفوق السهومي
بهديه للي كل ما يخطي ايتوب = شخص ٍ زهد بالمعرفه ما يسومي
احيان اقول أن السوالف لها أسلوب = وأحيان أقول أني ما اعرف السلومي
وأنا على ما قيل غرقان في ذنوب = والكامل الله والبشر ما تدومي
لا اطرد ورى العالم ولا اجمّع احبوب = ولا اجلس مع الساقط وذر الرخومي
ولاني من اللي يلبس الثوب مقلوب = ولا أشكي من الدنيا وأسب الهمومي
بعض المواقف كنها تفتّح اقلوب = وتعلمك في خافيات الحلومي
والبدو قالوا رأي للحين مكتوب = يشرح وش اللي خافي ٍ بالعلومي
ثوب ٍ ما هو ثوبك ولا فيه معيوب = اخير لك من باليات الهدومي [poem]

يهب يالصعلوك

يا مرحبا باللي لفاني بمكتوب=ماني بلايم كان يمي يلومي
ان ما حصله طير في شاشة سكوب=الوكر دايم فوق روس الرجومي
يبشر بطير ٍ ياصله معه مندوب=ولا بشيك ٍ فيه زين الرقومي هههه
لا يبتحل بالعود ماهو بمنكوب=امع الرجال اهل الوفا والسلومي
واشب ناري والسمر فيه محطوب=احر من جمر الغضى والسلومي
واركب على اللي ماش ما مثله ركوب=فكس ار في وعر الطرايق عزومي
وانصا رفيق ٍ بين ضلعان ودروب=واليا وصلته قبل شهره يصومي
تبشر وتلقا ما تبا منه مطلوب=يالشاعر الصعلوك وقت اللزومي