صوتك يقول إنّك موجّه من الغير
وصاته إنّي ما عرف وش مصيره ! .
. رح علّم اللي مرسلك.. إنّي بخير
( أنا بخير ) ومحدٍ يعرف.. غيره ! .
. ( أنا بخير ) اللي لحقت للمعاذير
واللي إمسحت دمعة جفاه المريره .
. ( أنا بخير ) و.. نفسها اللي المقادير:
تفرض عليّ آقولها، بعد ( خيره ) .
. ( أنا بخير ) اللي دمحت زلّته / مير
هدّت خفوقي بين.. ديره وديره ! .
. ( أنا بخير ) ولا تحاتي العصافير ،
ماتوا بقلبي من سواها الأخيره ! .
. ( أنا بخير ) وغايتي.. إنّها بخير
والله ما أفرجت الدّعاوي الأسيره .
. ( أنا بخير ) الكل.. ماكلها تبرير
إلّا اللي مرسلتك.. غطاً له وبيره ! .
. سلّم عليها وقلّها.. ( إنّي بخير )
وهي بْتعرف إنّ الحكايه كبيييره !