هوّن عليَّ .. رموش العين قد شابت
من ليعة الشوق .. بين إلْقاك وظعونك
والدمعه اللي .. عليك أخفيتها رابت
في الموق خايف تطيح وتجرح شجونك
من يرحمك .. من ضميرك .. كانها ذابت
ومن لك يداوي .. وهي من يدّك اطعونك
تكفى جروحي .. نزيف اشواق ما طابت
تحتاج لمسة حنان وبارد مزونك
قل للعواذل .. كفى.. وظنونهم خابت
وِسقي مودك .. كما يسقيك ويصونك
تلقى شعوري سيول انهار وانسابت
ما بين روحي واحاسيسي يزفونك
وتأكد إلمس هنا .. تلقى يدك جابت
جمره من الشوق .. والاّ روح مظنونك