[شاعر الصعاليك]

اقتباس من مشاركة المعزب السلام عليكم ورحمة الله وبركاته صبحكم الله بالخير حصل الشاعر المخضرم عمدة هذا الموقع ناصر خنيفرالرشيدي على المركز الثالث ومبلغ من المال في احد المنتدايات بين عدد غفير من فطاحلة الشعراء المتميزين ولكن ابو تركي اصر على خطف احد المراكز الثلاث لله دره اليكم صافنة جياده التي امتطاه في هذه المسابقه الشعريه والتي تحتوي على معاني لها اهداف بعيده قل من يجيدها الا الشعراء الكبار صح الله السانه ونقوله الف الف مبروك يابو تركي لولا فزيز الصافنات الاصايل=داجت مضارب عبس رجل الخطيه واقتص اثرها مشعلين الفتايل=على الجمل والا شداد المطيه كله على شأن الطعون السمايل=تبرا على مر الديار الخليه وتورّي النايم نجوم القوايل=وتعاقب الواعي بكبر الزريه حتى تقلل شان دور الاوايل=لقلّبت يمنى الزمان القضيه واصغى لها راسٍ من الغيض مايل=واغمض لها رمش الفتون الغبيه لكن صفا تلويح شقر الجدايل=وطيح منى وجد النفوس الدنيه واشعل بروق مزون دهم المخايل=من حد الارض الى سما الجاذبيه وماقل شان ولاخيار البدايل=لاطبت المضمار بنت العبيه واجمل تحيه ياعيون الجمايل=ياعيون ريم ارياف عبس الابيه ياحلا وياغلا حي بوطان حايل=ياقرت اعيان الإبا والحميه

الله الله يا بوتركي عز الله انها جوهرة هالقصيده
وحبكة معلم ، لله درك يابو تركي
والف الف مبروك ، ونشكر اخونا المعزب على هالموضوع .

وأتمنى منه شخصيا ، انه يسعى في اقامة
مسابقة بين الشعراء في هذا الموقع ، وما شاء يا كثر النقاد عندنا والمحللين هههههه

نبي تقيم للقصائد ، وللمحاورات الشعرية

وعز الله فرحة لعمي العمده ، والحذية يا عمي
البشت والا العمامه هههههههه

أتعبت جيل اليوم يا بن الملوح = وحطيت بالتاريخ بصمة وعنوان
صفحة شرف فوق الخلايق تطوح = يتعب لها فالناس ضامي وجيعان
تستاهل العليا ولبس المشوح = يا مشكل الابيات در ٍ ومرجان