[ابن اخزيم]

سرابي هاجس الذكرى سرابي
*** على من حط في قلبي صوابي

خليلٍ دوم في بالي خياله
*** من العالم تفرد في عذابي

أخفي ما جرا لي من طعونه
*** يالين الجرح من نجله سطابي

أسير الوجد والهاجس نديمي
*** وخلي البال يبطي ما درابي

دهاني مادها مجنون ليلى
*** تحمل لأجلها لوم وعتابي

يهيم ابن الملوح بالصحاري
*** يجر الصوت في رووس الهضابي

طواني ما حصله في زمانه
*** عذابٍ يبتدي فيه انتها بي

على ما نلت من سبت عذابه
*** غلاه أحس للقمه رقابي

رقابي حبها دون اختياري
*** تعلا فوق هامات السحابي