[شاعر الصعاليك]

والله العلوم طيبه ، والجو صافي بالعاصمه الحبيبه
لكن اسمع

هذي تماثيل صعلوك = يوم أنتبه لليالي
أبدأ بها يوم مبروك = عيد العرب والموالي
الموت ما فيه مشكوك = عقب الشروق الزوالي
لكن ما بعده وانا أخوك = يكسر ظهور الجمالي
أمك تفارقك وأبوك = وذرك مع أم العيالي
وربعك على الجال خلوك = ما منهم اللي يبالي
وبقيت وحدك على الشوك = أتفك حمل الجمالي
ما ينفعك مال مشروك = ولا ينفعك جاه عالي
وأن كان حظك لا نادوك = يمين ما هو شمالي
طاعتك والصبر علوك = ورحمة عزيز الجلالي
وفي جنه الخلد حطوك = تنعم بكل الجمالي
وأن كان فالناس جروك = للنار وأعزتالي
فالمعصيه صرت مشروك = وأشتلت وزرك زلالي
وأختامها الكل مملوك = الصدق فعل الرجالي