[سند الداموك]

ما برد عزمي و لا غير لهيب الحب لوني
دام لي قلبٍ من عروق الوفا يسقي وريده
و الهوى حظ ونصيب و دمعتي عذرى جفوني
و للجفون سلوم و الدمعه تخاف من النقيده
ليه يا من تسرقين الود من نظره عيوني
ما حسبتي غيبه اللي لا نوا الغيبه فقيده
و ليه لا عزمت ابنسى من على الدنيا نسوني
ما ذكرت الا انتي يو جرحٍ مساحاته عديده
ليت عذرك عن وفاك و غلطتك يلغي شجوني
و ليت لي قلبٍ بدون احساس و احكامه شديده
كنت اظنك ما تعيشين العمر لحظه بدوني
و أثر ما للظن غير اللوم و لحون القصيده
اذكريني كل ما فاضت عيونك و افقدوني
و كل ما دمعك نشد خدك و قال شصار بيده
اذكريني لا غزا البرد الضلوع و لا لقوني
و لا جبرك الوقت في ممشاه و اطباعك عنيده !
و اذكريني كل ما جاتك من العالم لحوني
عقب ما كنتي من لساني تعرفين الجديده
و اذكريني كل ما احتجتي تخونيني و خوني
في غيابي كل ذكرى بيننا كانت سعيده
و الا انا لا من ذكرتك ما ذكرت الا طعوني
في الزمان اللي تجمعنا به الله لا يعيده
ما ربحت الا جفاك و ما خسرت الا جنوني
و لا بعد هذا سوى النسيان و الفرقا الاكيده
سامح الله غلطه احساسي قبل غلطه عيوني
و سامح الله هاجسي في ما هدالك من رصيده
لو ظنوني يوم واحد تشعر بخيبه ظنوني
ما يصير الحزن يسيد الصدر و افراحي عبيده
سامح الله ذنب كل اللي على الضيقه حدوني
لين صرت اواجه الايام في بسمه وحيده

\\\\\

من مدونة أحد الكائنات ^_^
اعجبتني حيل حيل