[ناصر خنيفر]

اقتباس من مشاركة ناصر الشويلعي السلام عليكم ورحمة الله وبركاته وكل عام والجميع بخير اخواني الافاضل يتجدد القصف بعد عيد الاضحى المبارك على العمده وحزبه حسب الموعد والوقت المحدد الذي دار بيننا وبينه وفي بداية هذا الهجوم تمكن حزب النصر قصف مركز المعلومات التابع لحزب العمده في هذه الابيات المعبره : قواتنا جاهزة للحرب يالعمده=وحنا لخوض المعارك حضنا قايم الحرب منا قدح صوانه وزنده=حرب ٍ يصحي ضعيف الفكر والنايم جتك الصواريخ ياللي يجمع بجنده= حتى السماء صار من تاثيرها غايم ياما وياما نصحنا فيه والزبده=انه يبا يصير مثل بعيره الهايم والله ماينفعه هنده ولاسنده=عليه من عام الاول طيرنا حايم والعمده المحترم بالله وش عنده=متحيزم ٍ بالجحش ومجوده دايم شافوه في شارع الدبوس وبنده=يبي يبيع الجحش لكن ماحد سايم وآخر زمن يخلط البيلوت مع هنده=ويقول انا مالحقتني لومة اللايم والسلام

بعد الاجتماع قرر حزبنا مايلي
تمديد فترة الهدنه مع حزب النصر الى الصيف القادم و نكتفي في هذا الردالا اذا استجد شي
رد على ابيات قائد حزب النصر

العمده انكان سل السيف من غمده = مع رفعت السيف ترخي راسك الزايم
حزبي ليا قام داوى عيونك الرمده = عقب الزعل والعياف تجيلنا رايم
حذف الجنايز من جنودك على صمده= مثل السمك في بحرها غايص وعايم
الحرب ماهو عسل ولاطعم غنده=وجنودنا بالحرايب مالها ظايم
ابن صويان صلى ماقراء حمده= وياكل عروض العرب ويقول انا صايم
اما الجحش كان ابو خالد سمع ومده= يختل عقله عقب ماهو امتلايم
الحرب بيني وبينك طايله بمده=ماتنتهي والحرايب جوها خايم
ونكان نفسك على الفتنات معتمده=انا تراني بعد ماني بمتشايم