[لايغرك زمانك]

ياعيد انا من كثر ماعض الابهام=من الندم وقف عن العرق دمه
على زمان العام واللي ورا العام=هاز الندم ياعيد قلبي وخمه
سجيت مدري وش ورا سود الأيام=تسوقني نفسي على كل يمه
حتى عرفت ان الولع طير حوام=يورد الظامي على غير جمه
والناس تاقف صف وقلوبها اقسام=ياعيد محد ن هم غيره يهمه
الوقت ذا مابه خوال ن ولا اعمام= عز الفتى هو ماله اللي يلمه
ان زاد ماله زان له سير الأقدام=وان قل طاح ولا لقى من يزمه
حاربته الأمه مثل حرب صدام= واليا سرق ماللأثر من يدمه
اليا رقد حظك قطف عنك الأنسام=ماينفعك شم الهوى لو تشمه
وان سار معك الحظ قدام قدام=انقد منادي الطير بأسمه وسمه
ياعيد انا قاري وكاتب ورسام=واحل وافهم بالأمور المهمه
رفعت صوت الحق بالشرق والشام=والحق سكر مسمعه في معمه
آخر زمان الظلم هو سيد الاحكام=يحكم على القاضي وحكمة بكمه
ومن العشى مايحرم الصقرغشام=الا اللذي لامن نوى شاور امه
وان قلت وان ماقلت منلام منلام= لكن بسكت قبل اجيب المطمه

صح لسانك ابن شلال

سمعت شعرك قبل تزورنا بالشبكه وعرفتك عن طريق ابو عزام

وسمحلي انسق القصيده