ناصر الشويلعي
يابو مبارك تفضل جعل عمرك يطول=انته من العزوه اللي يحسب حسابها
انته معينت لي راع الفرس والذلول=الصحابنا الله يرجعها مـن غيابهـا
عادل ابن هون
لاهنت ياللي على الهيجا يدق الطبول=من لابتن واهني اللي تعزوى بها
راع الفرس ماتعذر يوم جته الحمووول=حول على حملته شامان واجتابها
ناصر الشويلعي
وانته بعد من هل الطولات واهل الفعول=بالسيف والخيل تعرف وجـه ركابهـا
ركز معي وانتبه والعرض مايقاس طول=شلفاي ورا حدود السيـف مظرابهـا
عادل بن هوون
انا مركزمعك والقمح مايصير فوول=شلفاك مجهول حاملها ومنصابها
قولوا لناصر يخف الركض ياهل العقول=وعين اليتيمه مغرق دمعها اهدابها
ناصر الشويلعي
يابو مبارك ماني خبـرك رجـل ٍعجـول=شلفاي تبحث عن اللي تجمـع احزابهـا
اخوك يـدور حصـان ٍمنجبتـه الخيـول=وله جرة ٍواضحه مايعرف الابها
عادل بن هون
وضاح يفداك معه الجحش وابو البتول=ياسيلها يالعلك تروي اشعابها
ان غاب زولا يعوضك فيه يالشيخ زول=ترى الحيايا فنت والسم بانيابها
ناصر الشويلعي
وضاح يطرد ورى الشمه تقـول مهبـول=والجحش اعفوش البدو قبل امس زوزابها
انته تقوله وغيـرك فيـه نـاس ٍتقـول=تـرى العقـارب كثيـر السـم باذنابهـا
عادل بن هون
مايستوي ناظم الابره وابوعيون حول=وشداد ريمه شكى ريمه وركابها
نمشي معك بالوفاء والطيب حسب الوصول=احس اشياهين واحذر ضرب مخلابها
ناصر الشويلعي
ولايستوي موفي الديان واللي بطـول=اهل البطاله لارحم عضام من جابهـا
وانا مع اهل الوفاء فكري وقلبي ميول=واما اشياهيـن ماتخـوف ولاهابهـا
عادل بن هون
تقولها وانت متنرفز وطبعك زعول=ياناصر الحق جروحك فشلت اطبابها
لعل راسك يابوخالد لنا مايزول=انت ابوزيدالهلالي مات خطابها
ناصر الشويلعي
ياماوطينا على الرمضى بليا انعول=وياما صبرنا على بلوا ٍ بلينابهـا
جعلك اليامت بالجنه وجار الرسول=في جاه من حج في مكه وصلابها