[دنياك أنا]

.



ب د ر ي !
وكانت آخر حروفه :
“ترا أحبك”
ضحكت وقلت له : “أدري
يا غنوة صبحي وفجري “

وكانت بحّه بصوته .. حزينه
زلزلت صدري !
تجاهلت الحزن فيها
وكنّي ماأدري ..

مشى .. وناديت :
وين ؟
توّنا .. !
بدري !

ردّت دمعته عنّه :
و ربّك يالغلا بدري
على قلبين مايقوون
ولكنّ الظروف أقوى
من قلبك ومن قلبي
من قَدرك ومن قَدرِي ..

ترك لي بحّته وبسمه ,
وآخر كلمه ردّدها :
” ترا أحبك “
“ترا أحبك “
“ترا أحبك “



وغاب الصوت
وبقت لي بحّة حروفه
ودمعة عينه وخوفه
وحبّ بـ عروقنا يسري …..

يا دنيا توّنا بـ د ر ي ” !