بناء على طلب احد الاعضاء العزيزين على قلبي والي طلب فيه اول قصيده كتبتها ومن باب التغيير
والرجوع للماضي حبيت انزل هذه القصيده
ياصاحبي يا(ابوفيصل ) يارفيع المقام
............يانسل شيخ(ن) نصر بالحق مظلومها
ارسل عليك السلام وكامل الاحترام
................ياسيد المرجله ياحفظ اسلومها
لامخسر من ذخر مثلك وحطه حزام
................وان اشهد انك كفو وتسد وتقومها
وابشكى الحال والمجروح صعب(ن) يلام
................نفسي جروح الفراق تباري همومها
البارحه يا(ابوفيصل ) ماهتنيت بمنام
...............ليله ..هواجيسها غطت على نجومها
لاغافل النوم جرحي وارتكى في سلام
................ذكر وطير جفون العين من نومها
ثم قمت اسولف وردد في سواد الظلام
...............لازلت غالي وروحي معك مالومها
ارخص لك العمر وانزل تحت حد الحسام
...............واشريك باغلى الثمن لكثرة اعلومها
والينتهى الليل يا(عايض ) يقل الكلام
...............وتنزاح سحب الهموم وتجلي اغيومها