ايه اجبري كسر الفراق وتعالي
ضوي سماي ونــوري ظلــمة الـيل
غيبتك طالــت والعوض باليالي
ليل(ن) يزيد الهم ويلن ورى ويـل
تعال عنــدي يالـغلا لا تبالي
تعال وطربـني بحـلو التـعاليل
تعال عنـدي يصبـح المر حالي
وتبدل العسر بغـرامك تسـاهيـل
والله لـو تـدري عـن الي جرالي
من غيبتـك جتـني هموم وبهاذيل
ياما سهرت ايام عمر(ن) خوالي
ارسمك نجمه بالسماء وازحم سهيل
ليلـي همـوم وكل جرح(ن) طرالي
وجيش الفراق بصدر حبـك منـازيل
ضاق الشمـال وضاق صدر الشمالي
وضاق الكلام الي على البال ماقيل
من يـوم شمـسك عزمت بالزوالي
فارقت علم ومابقى الا المواويل
تعال وقـرب يــابعـد كـل غالي
لو منت روحي مابعثت المراسيل