[سـعود المضيـبري]

يامن تشب النار وتزايد النار
........................جمع مشاهيبك وكثر حطبها
بعطيك كله شايعه بين الاحرار
.......................من شب ناره يحترق في لهبها
يامن تجيب اخبار وتصدر اخبار
........................يامن بديت المشكله ياسببها
مابيني وبينك مطالب ولاثار
.......................بس الكبرداخل ضميرك كتبها
يامفرقن بالناس يامفرق الدار
........................يامفرقن بين النخيل ورطبها
ياخين الذمه وياخين الجار
......................نفسك خبيثه والحسد لك جلبها
غرتك نفسك دون تدري وتختار
.......................وطاوعتها وقفيت تطرد طربها
تاخذ مع الوسواس سجه ومشوار
......................والينتهى عض اليدين وضربها
مسكين قد قيلت وبقولها امرار
.........................يامن بنفسه للمهانه خطبها
وانا رفعت النفس عن قول واعذار
......................نفسي عزيزه دام هرجي قضبها
ولا انت ياغفل وجاهل بالاقدار
.......................قدرك وطيته بعد فعلك قصبها
تمشي على الوجهين وتذيع الاسرار
...................وتمسي على مبدى العقيده سلبها
ترجع على ساسك ردي ملفت انظار
.......................ساسن علوم المرجله ماكسبها
ماهمني قولك ولا كل ماصار
........................تبقى الثقه فيني ولاحدن سلبها