[ناصر خنيفر]

اقتباس من مشاركة بنك الشعر بعد ما السبع جر عواه وأذني تعشق التطريب=وجاوبه المعزب قلت يا هجس الثنا وفّه زهاك الطيب يا الناصي ويا المنصي زهاك الطيب=جزال علومكم تجلى عماس الراس وتنفّه جزال علومكم براق وسمي(ن) حقوق مصيب=على وقعه نسانيس الهبوب تلاعب الغفة لو اني ما عرف وش صار في المعجم من التعريب=نياشين المعاني دونها حاسود ومشِفّه من الضلع الندب للشرق ماله باتجاهي صيب=لو طويق المسمّى عارضه بالدرب ما كفه لكنّ مليح ما له عن تعراض النشب تجنيب=يبا يداحم فحول الشعر مثل طريش بالزفة يموت الشعر يالله لا توفق شركة التنقيب=وراها عن رموز الشعر والأهرام ملتفه أقوله لا مجامل فيه لا أقراب(ن) ولا أجانيب=قرايحهم تجيب الدر وتنقيه وتزفّه بنات أفكارهم ذبّل شفايفهن بلا ترطيب=وأنا نفسي على معانق شفايفهن بها هفّه ولكنّ القريحة كل ما أضربها وأقول تجيب=يحول حيالها دون الرجا وتعوّد محِفّه

عز الله انها مجاراه وافيه اعقب اثر مانت هين يالقزم لكن رسم القصيده متقارب من رسم السبع والمعزب هههههههههه