[القلزم]

بسم الله الرحمن الرحيم

السلام عليكم ورحمة الله وبركاته وبعد

هذي مجاراة للسبع الضاري والمعزب

وهذا رابط قصيدة السبع ورد المعزب عليها

http://www.bani-3abs.net/aa/showthread.php?t=119988

اقتباس من مشاركة المعزب عليك الله وامانه يالمعزب مايجوع الذيب=ولايشكي جراهيد المجاعه وانت في صفه تعنّز له ذراعك لغشى وجه الوساع الشيب=واخذ ثقل الملام من الرفيق ايميل بالكفه تحرا حاجته في وقتها كنك تعلم الغيب=وتنحر له ذلول ٍ فخذها ماسوم بالكفه عليها وسم عبس امورد اعدود الروا الهييب=ملك عرش الوسوم اللي من الضفه ليا الضفه زمان الناس يملكها صنيع المعرفه والطيب=ولا جال بوطنها غير زين الطبع و العفه عرجبي طاري ايام الشتا ..حط الحطب يا كليب=وانا ما هد حيلي غير ريش الطير لـــ ..ضفه تعاقبني حواسيس ٍ تخليني وطن تعذيب = اجر الصوت منها بالخفا والظاهر ألفه اطالع في مراقيب النوايف والنجوم اتغيب=وانا ادور ذهيب البال وأجمع فيه واصفه ابا قطع التباعد واليقين ايسد باب الريب = وابا حمل الخيال اليا تعلا الريح ما تدفه وابا حيد الجبال اليا انطحتها بالنحور النيب=تبركها على صم الصفا وتلاعب الطفه وابا جر العوا باعلا مضارب عبس وادرا العيب = ولا اسمع كلمة ٍ دائم مراكبها على الحفه اسمع اسمع ياصاحبي على الله ياشهب الذرعان وحده والرجاء مايخيب=يزوزع فيه ميزان العمل بالثقل والخفه وراء الدنيا نهوم احيان نخطيها ونوب نصيب=يموت العبد باسهوم المنايا مالحق شفه ياليت الجرح لامنه تولى علاجه الطبيب=يخيط فتوق جرحه مايجيب الشاش ويلفه ليالينا الاخيره نص بيض سنونها تركيب=ولانامن بضحكتها لو ان سنونها صفه رعاك الله ياليلاَ مضا لو نسهجه تهريب=لو ان اقدام رجلينا حفايا مالها رفه يلوذ الذيب عن وجه القنوص وياخذ الشعيب=لكن ارضه مقصه فوقها ماضاع اثر خفه عليها من محابيل الخلا مساحب ام جنيب=خذت وضع امتداد الحرب لون الارض ملتفه عيون السبع مثل الجوخ ماتحتاج للتشطيب=تشوف الجن يوم الشهب ترفع فيه وتهفه دخيلك لاتجر الصوت تقطع خطبة الخطيب=ترا نفس المطوع من قنيب الذيب مختفه لك الله ياشهب الذرعان مايبخل عليك الجيب=واذا يبخل عليك الجيب ابيع الثوب ابو دفه

وإليكم مجاراة القلزم وأرجو تننسيقها

بعد ما السبع جر عواه وأذني تعشق التطريب=وجاوبه المعزب قلت يا هجس الثنا وفّه
زهاك الطيب يا الناصي ويا المنصي زهاك الطيب=جزال علومكم تجلى عماس الراس وتنفّه
جزال علومكم براق وسمي(ن) حقوق مصيب=على وقعه نسانيس الهبوب تلاعب الغفة
لو اني ما عرف وش صار في المعجم من التعريب=نياشين المعاني دونها حاسود ومشِفّه
من الضلع الندب للشرق ماله باتجاهي صيب=لو طويق المسمّى عارضه بالدرب ما كفه
لكنّ مليح ما له عن تعراض النشب تجنيب=يبا يداحم فحول الشعر مثل طريش بالزفة
يموت الشعر يالله لا توفق شركة التنقيب=وراها عن رموز الشعر والأهرام ملتفه
أقوله لا مجامل فيه لا أقراب(ن) ولا أجانيب=قرايحهم تجيب الدر وتنقيه وتزفّه
بنات أفكارهم ذبّل شفايفهن بلا ترطيب=وأنا نفسي على معانق شفايفهن بها هفّه
ولكنّ القريحة كل ما أضربها وأقول تجيب=يحول حيالها دون الرجا وتعوّد محِفّه

القلزم

الموضوع الأصلي: مجاراة القلزم للسبع الضاري والمعزب | | الكاتب: القلزم | | المصدر: شبكة بني عبس