ابوو شرق
]ياسلام الله سلامن من الصدر الوسيع=مايضيق من التعنصر وضلم الظالمي
السيوف اليوم ماعاد يمسكها الشجيع=اصبحت يارجل في قبضة يدين العمي
طنطاووي
مرحبا ترحيبة الجد بالورع الرضيع --- يوم اعاين درب رجلي واعبر بقلمي
لو ثمنها معك ما نلحقك في كل ريع --- لازمك ماهو بلازم ودور لازمي
ابوو شرق
التواضع للكبير التكبر للوضيع=رز خشمه بعد ماخلوا اسمه مضلمي
غزوا النيشان يالربع والعاصي يطيع = ان بغيتوها شعر وان بغيتوها رمي
طنطاووي
انت يا بو شرق تصلا ذهب عيا يميع ---- لا تزعلني وانا توي احزم محزمي
لقمة المزهوف ما تدخل الحلق الوسيع --- والا انا شوفي مبعد ويزميبي زمي
ابوو شرق
عندنا المقلاع يارجل للضرس الوجيع =مير اظن السوس في فمك ماهو في فمي
كان فاحت دلة الكيف سقها للجميع=والله امدى لك يالين المشارق تحتمي
طنطاوي
لا تعذربني تراني على الخط السريع --- ان قلبت انت السبب والمناشي ترزمي
كان ماعت زبدة الربع زبدتنا تميع --- ما حداني عنك غير الرسول الهاشمي
ابووو شرق
بارق الامزان ياصاحبي يلمع لميع=مير عيا وبلها يروي كبود الضمي
احمد الله واشكره بعد ماطاح الربيع=بكرة افلي بزملي وافلي بغنمي
طنطاوووي
ما بقا الا نسهج الرجل مع شوك النقيع --- بارك الله فيك سلهمت منت مسلهمي
لا تزعل عبس وانته كذا تضحك سبيع --- ولاتقل السمن ويزود فيه السمسمي
الله الله
صح اللسانك ياطنطاوي
وصح اللسانك يابو شرق
التنسيق اهداء لبوو شرق الي ابدع بالطاروووق
هذا ابداع ماهوو طبيعي وشهد له طنطاووي من ثاني بيت
تحياتي لك يابوو شرق وبيض الله وجهك واذا استمريت علي هالحال تأكد انك
راح تكووون شاعر فحل عن قريب ان شاء الله
طنطاووي انت مفيد للكبير والصغير
تقبلوو مرووري
لاهنتم