> البارت الحادي عشر <
_-_-_-_-_-_-_-_-_-_
د. ابراهيم: الله يخليكم لبعض.
جراح: امين
فارس: تسلم والله..
د. ابراهيم: يلا نشووف البنت ونعرف منها مين هي وبنت من.
فارس: يلا.
د. ابراهيم بهمس غير مسموع: ادخل بشوويش يا استاذ.
جراح: ولايهمك..
فاارس: خلاص فيك تنصرف د. ابراهيم مشكورر.
د. ابراهيم: طيب عن اذنكم.
جراح والي ما فارق عيوونه عن مشاعل وبنبره صوته الحزينه : مسكينه حالتها صعبه.
فارس: صادق وانا اخووووك الله يكوون بعون اهلهاا.
فارس: انا برووح اتصل ع الاهل يرتبون لك غرفه بالفيلا شوي ونروح البيت اوكي.
جراح والي انظاره على مشاعل: اوكي..
طلع فاارس وترك جراح لوحده عند مشاعل .
جراح: لو صار لك شي انا السبب وماراح اساامح نفسي وبرجعك لأهلك سالمه .
كان يتمنى يسمع منهااا جوااب اي شي لكن خااب ظنه ومايسمع إلا صووت جهاز نبضات قلب .
فاارس وهو يطق الباب: ممكن أدخل يؤ للحين وانت تناظر لها عيب لاتنسى انها ماتجوز لك .
جراح: صحييح حراام اناظر لهاا ماتجوز.
فاارس يغمز له : يلا اتصلت على خالتي ام لورنس ومبسوطه مرا ومو مصدقه انك جااي تصدق اني صحيتها من نومها ههه.
جراح: يووه منك كان خليتني انام بفندق من زين شكلي جايهم بهالوقت انت تدري كم الساعه الساعه 4 ونص الفجرر.
فاارس: وش فييك حناا اأهــل ماافي شي يستاهل.
جرااح: طيب كم بتتنوم البنت بالمشفى,.؟
فارس: أسبووع انشااء الله وتكون بيت اهلهاا ,
وكمل كلامه: يلا امشي البيت انت تعبان وانا كنت بعزومه واتصلوا علي من المشفى.
جراح يلا: وطلعوا براا الغرفه..
فارس كمل كلامه : كنت بعزومه بمناسبه زواج لورنس.
جراح وهو مو مصدق: لورنس تزوووووج.؟
فارس: ايه من حقك تستغرب كلنا استغربناااا.
يالله يالدنيا
جراح: يلا مشي البيت بشووفهم اشتقت لهم.
فارس: يلا.
&&&&&&&&&&&&
البااب مكسوور والبيت هادىء وكأنه مهجور .
سارهـ: ياجعلك للمرض فاضيه لك أنااا مشااااااعل مشااااعل ووينك .
عواد: وينهااا .؟
ساارهـ والي تدور البيت غرفه غرفه ركن ركن لكن لاشيء.
مدري ويين راحت.
عواد: ببلغ الشرطه.
ساره: لاتبلغ خليهاا يمكن راحت تسربت بناتك وتربايتك الفاشله.
عواد والي كان مدوخ وتعبان من المشروب: انا طالع انام واذا رجعت احبسيها بالغرفه وريها شغلهاا .
ساره: لاتوصي حريص يلاا نوم العوافي حبيبي.
للأسف في اباء كذاا لمى يتزوج ينسى ان له بناات ورباهم وتعب عليهم بمجرد موت زوجته الاولى.
&&&&&&&&&&&&
جراح: ماتغيرر شي نفس القصرر نفس الحديقه ونفس الكراج والباب الكبيرر الي كنت اخاف منه وان صغير ههههه.
فارس وهو يناظر اخوه ويبتسم.
فتح الباب ودخل ومعاه أإخووه.
وأم لورنس كانت بأستقبالهم ودموعها بعيونهاا ربت فارس ونواف ورانيا وجراح مثل عيالهااا وماقصرت معهم بشيء.
هرع لأحضانها وبللت دموعهاا ملابسه: لاتكبيين يالغاليه ..ورفع راسهاا ومسح دموعهاا بأيده .
أم لورنس: دمووع الفرح ياولدي من فرحتي فييك وبلمتكم اخيرا بشوفكم كلكم تحت سقف البيت ومجتمعين حولي.
جراح: تسلمين لي يالغاليه.
فارس: يلا خالتي امسحي دمووعك جراح تعبان من السفرر.
ام لورنس بعفويتهاا: تعال معي ياولدي لغرفتك.
جراح: ودي اشوف اخواني وعيال عمي.
أم لورنس: انت نام والصباح رباح.
جراح: شسووي غلبتيني ياخالتي.
دخل غرفته واخذ له شور وانسدح ع السرير وتاهت فيه افكاره بمشاعل البنت الي جمعه القدر فيهاا بيووم الحادث.
ابتسم على الي صار اليووم واستسلمت جفونه للنوم.
&&&&&&&&&&
الصباااح$$
فايزه: يلا صلووحي قوووم .
صالح: لالا مااراح اداوم اليوم.
فايزه: اول شي بنروح المشفى عشان التحليل حقناا وثانياً بتداوم غصب عنك لك كم يوم مهمل الدوام.
صالح وهو يقوم: من عيووني ياحبيبه قلبي انتي.
فايزه بخجل: يلا قووم البس عيب شووف.
صالح: يؤ نسيت نفسي.
&&&&&&&&&&&&&
خالد: قوومي ياكسلانه من حملتي وانتي بس نايمه.
رانيا: هممم شتبي.
خالد: حبيبتي قوومي شووفي ليث جالس لحاله.
رانيا: الخادمه عنده.
خالد: رانيا بتقومين ولا استخدم طريقتي الثانيه معك.
رانيا: قمت يلا.
دخلت الحمام واخذت لها شور ولبست أجمل ماعندها من فساتين قصيره صيفيه رغم انها حامل لكن ماقللت من جمالهاا.
نزلت تحت وجلست ع طاوله الفطور وبالمقدمه خالد وجنبهم ليث وكانت
رانيا تأكله ومبسووووطين والارض مو شايلتهم من الفررح.
&&&&&&&&&&&&&
صحت من النووم قبله وراحت ع المطبخ وانسدحت مكانهاا لأنها لسى نعسانه.
خايفه لورنس لايقولهاا انها قاصده تنام جنبه استرجعت احداث امس
كان يهلووس بالنوم ويقول كلام غير مفهوم وضمت كفوفه بأيدها ونامت جنبه حست براحه مالها مثيل
حست بالامان بالحنان من قرربه لكن لورنس
مايبادلها نفس الشعور نزلت دمعه حاره من عيونهاا ومسحتهاا.
غطت وجها لتحاول ان تنام.
.........
تسلل ضوء الشمس الشباك المفتوح الستائر ليداعب الضوء جفونه.
وقف بطوله ودخل الحمام اخذ له شور سريع.
ولبس ملابسه وتكشخ زي العاده .
حست بحركاته بالجناح وزاد خوفها ونبضات قلبهاا
اخيراا تجهز بالكامل.
وهو طالع
تذكرهاا ليكون المطبخ نامت.!
طالع من باب المطبخ وشافها
سراميك المطبخ حيل بارد عليهاا وهي امس ماقصررت علي سهرت على راحتي.
دخل المطبخ وصوت حذائه الرنان يضرب الارضيه وزاد من توترها.
انحنى لهاا وحملهاا مثل الطفله البريئه بيدينه.
نزلها ع السرير وغطاها وطفى الضوء وطلع.
بعد ماسكر الباب ارتاااحت حييل واخذت راحتهاا وتروح على كيفها وتجي بالجناح.
شالت غطأء السريررر عنها واتجهت للحمام اخذت لها شور.
وطلعت برووب الحمام ..
.................
وهو نازل من على الدرج : يووه نسييييت المفتاح.
رجع ياخذه فتح الباب بقوه ارعبتها
ناظر لهاا وعرف انها مكانت نايمه يووم حملهاا.
الحين تفكر اني مبسووط من قربهاا وابي اتقرب لها بأي طريقه
نجوم السماء اقرب لك ياهاجس.
ناظر لها نظره قرف: واخذ المفتاح من الدرج وطلع.
تمنت الارض تنشق وتنبلعهاااااا: ياللله الحييييين وش بيقوول عني ...
اووف.
حاولت تتناسى الموضوع,
بأنها ترتب منظرها
سشورت شعرها وحطت غلوس على شفايفها ولبست جينز تنوره قصيره للركبه وجاكيت جينز
وتحته بدي احمرر وحزام أحمر ع التنوره القصيره وربطت شعرها ذيلل وشكلها خقق
.........
أم لورنس: تعال يانظر عيني افطر معناا.
لورنس وهو يبوس راسها: وانا اقدر مافطر مع الغاليه.
أم لرونس: ربي لايحرمني منكم.
فارس: واحناا ياخاله وين رحنا ها.؟
أم لرونس: كلكم بعيووني جعلني ماشوف يومكم.
أم لورنس وهي تغمز لفارس لانهم بس هم الي عارفين برجعه جراح.
فهم عليها فاارس وطلع لغرفه جراح.
كاان نايم وحالته حاله والغرفه معفوسه فووق تحت وهو ماله يوم فيهاا .
فارس: جرااح جرااح قووم قووم. بسررعه الكل تحت بنسوي لهم سبرايز.
جراح: هممممم
قاايم قايم يلا اطلع باخذ لي شور واجي.
فارس: اووكي بسررعه ننتظرك لاتطوول تعرف بعض الناس مثل لورنس مايهمهم الا الشركه وبيروح الحق عليه يلا.
جراح: طيب طيب رووح جايكم.
طلع فارس وخبط الباب ورااه
قام جراح واخذ له شور يروق اعصابه من هالصباح.
لبس ملابس الدوام عباره عن بنطلون اسود وبلوزا بيضاء. وكرفته شوي راخيه من على صدره وشعره الناعم متناثر على وجهه بطريقه جذاابه
رجع شعره لورا بالمط وتعطر ونزل من على الدرج.
..................
ريم بعادتها: ووين رحت يا فارسوه ها.؟
فارس وهو يناظرها نظره حست بقشعريره من بعدها: رحت وين ما رحت وانتي وش يهمك.؟
ريم: لابس نسال احسسن مابسال عساك تروح وين ماتروح وانا شكو.
فارس: ايوا كذا شطوره لا تدخلي.
عبير وهي تزح كرسيها عشان تجلس ع الطاوله معهم وكانت لمتهم مرا جناان معدا هاجس الي تستحي من نواف وفارس: ماما لمين الكرسي الزايد عازمه حد ع الفطور.؟
أم لورنس تحاول تخفي توترها: خليه وهو بوش مضايقك.
عبير: اي والله, وسحبت لها خبز تحشيها بالجبن.
لورنس وهو يناظر الساعه: يلا استأذنكم.
جراح وهو توه داخل صاله الاكل: ووين بتروح ياولد العم بدون ماتودعني.
لورنس وهو يناظر وراه: جراااااااااح,.!
نواف: جرااااح أخووووووووي.
راحوا الكل له يسلموون عليه بحراره وجلسوا ساعات يضمون بعض ويبكوون
وأم لورنس تقطع قلبها عليهم..
أم لورنس وهي تمسح دموعها: خلاص بعدوا عن بعض بكيتوني.
جراح وهو يقرب للانسانه الي ربته وسهرت عليه الليل وكأنها امه ومانقصت عليه شي: مسح دموعها وقال: افاا يالغاليه تبكيين.!
راح اسوي نفسي ما اشوف أن هالدموع هي دموع فرح صح.
أم لورنس: أكييييد ياولدي فرحانه فيكم.
لورنس ببأبتسامه : بمناسبه رجوع جراح لنا بالسلامه بنطلع لنا كم يووم ع البحر ناخذ الي نبيه ونجلس 4 ايام وش رايكم.
ريم بشقاوتها المعتاده: اييييه موافقه موافقه.
فارس وهو يناظر لها: موافقه موافقه ها.؟ وانتي على طوول تنطين مثل القرده.
ريم وهي تضم جراح (( تعودت عليه بسرعه)): جراااح شووف اخووك وش يبي فيني .
جراح: هههههههههه فارس شفيك على بنت عمي ريومه دلوعتي.
فارس والغيره واضحه: على طول صارت دلوعتك لاتدلعها تخرب بعدييين.
جراح: لالا كلش ولا ريم .. "وناظر لريم" والله وكبرتي وحلويتي.
ريم بدلع: ايه اكيد صرت مزيونه. "وتناظر لجراح" والله انك انك صررت خقق ياولد عمي وش هالزين والسكسوكه والغمزات والجسم .
عبير: يطويله لسانك حتى ولد عمك ماسلم منك عييب علييك.
ناظرها لورنس وفهمت ان كلامها ماله داعي حتى جراح استحى.
وفارس والي بانت عليه الغيره وعيونه تطاير شرارر
أم لورنس: ع العموم خلاص بتصل على عمتكم ام صالح ونطلع للبحر كم يوم نغير جوو وعشان جراح بنسووي حفله عائليه.
لورنس: خلاص تم بجهز من اليووم للعطله وبعد يومين بنطلع .
جراح: ولو انه ماله داعي بس يلا عشانكم.
لورنس: يلا استأذنكم ..
نواف: يلا رايح معك .
جراح: يلا يالغاليه " ويمسك ايدها ويبوسها" : عندي دوام تعرفين جرااح صار مدير الخطوط الجويه .
أم لورنس: الله يوفقك يا ولدي.
عبير وريم: جرااح وصلنا معك .
جراح: من عيووني يلا استناكم بالسياره.
أم لورنس: ولد عمكم توه جاي وتبون تعبونه.
عبير: ماما ماقللنا شي شفيك.
جراح: خالتي ولا يهمك انا مبسووط بالعكس وماراح يأخرني توصيلهم.
أم لونس: على راحتك.
طلعوا عبير وريم مع جراح .
وأم لورنس مع فارس ع الدوام بالمشفى.
ومابقى إلا المسكينه هاجس لحالها مثل الاشباح تدور بالبيت لحالهااااا.
.......................